400 جرام جمبرى (متقٌشر)
100 جرام جبنة جودة
4 معلقة كبيرة زيت زيتون
2 قطعة جبنة كيري
1 كوب كريمة لبّاني
1 معلقة صغيرة الصوص الحار
1 معلقة صغيرة ملح
½ معلقة صغيرة فلفل أبيض
½ كيس مكرونة
½ كوب لبن كامل الدسم
½ معلقة صغيرة حباية جوزة الطيب (مبشور)
¼ معلقة صغيرة كمون
مقادير طريقة تسوية المكرونة
200 جرام مكرونة (او نصف كيس)
2 لتر ماء
2 معلقة صغيرة ملح
نبتدي نسلق المكرونة
نغلي الماء في حلة كبيرة
نضيف الملح
نضيف المكرونة و نقلبها باستمرار علشان متعجنش
نسيبها من 8 لـ 12 دقيقة تغلي مع الماء و بعد ما تستوي صفيها من الماء
هنضيف زيت الزيتون في طاسة على نار متوسطة
لما الزيت يسخن نضيف عليه الجمبري و الملح و الفلفل و جوزة الطيب و الصوص الحار و نسويه لمدة 3 دقائق
نخفض النار و نضيف الجبنة الكيري و نخلطهم
نضيف عليهم الكريمة و الجبنة الجودة و نخلطهم جيدا علشان يسيحوا مع بعض و يبقوا خليط واحد
نضيف اللبن و نترك الصوص يِتقل و قوامه يتماسك تقريبا 5 دقائق
نضيف المكرونة المسلوقة على الصوص و نخلطهم جيد. جاهزة للتقديم