1 عدد ليمونة (كبيره معصوره)
1 كيلو فراولة
¾ كيلو سكر
هنغسل الفراولة و نقطعها 4 أرباع.
نحط الفراولة في حلة غويطة و نضيف عليها السكر و نحطها على البوتجاز على نار واطية لحد ما تغلى.
و لما الفراولة تعمل رغاوي بيضاء على الوش..هنشيلها بالمعلقة و نسيبها تغلي لمدة 10 دقائق.
بعد ال10 دقائق هنضيف عصير الليمون و نسيبها تغلي من 10 لـ 15 دقيقة كمان.
هنشيل الفراولة من على النار ونسيبها تبرد وبعدين نحطها فى برطمانات.. بالهنا والشفا