كلمار مغسول و منقي مزيان و نزولو جناح و الراس يتغسلو و يتقطعو طريفات صغار
اي حوت ابيض انا درت المرلون و نتينا ديري لي بغيتي يكون مقطع طريفات صغار
بصل كبيرة
فلفلة
شمبنيون
فلفلة حمرا
ملح
زيت زيتون ميكونش مجهد
الحار لي كيعجبو
ورقة سيدنا موسى
شويش صلصة ديال مطيشة

كنقطعو الخضر رقيقة و كنشحروها في شويش ديال الزيت كندير غير نص ديال البصلة و نحتافضو بالنصف الاخر

من بعد ما كيتشحرو مزيان و ينزلو كنضيفولهوم الحوت و الملح و الحار

نضيفولهوم نصف كاس ديال الما و شويش صوص طوماط و نخليوهوم يطيبو واحد 5 دقائق

من بعد ما كيطيبو كنصفيو لمريقة ديال العمارة و نخليوهوم على جنب

في كصرونة كنشحرو البصلة لي بقات لينا في شويش ديال الزيت و نضيفو عليها المريقة ديال الحشوة

و من بعد ما بردات الحشوة نعمرو الكلمار و نشدوه بعويد ديال السنان

كندوزوهوم فدقيق و نقليوهوم فزيت

و منين كيتحمرو كنهزهوم مباشرة و نديروهوم فالمرقة

و نخليوهوم واحد 8 دقائق و نطفيو عليهم و نزولو لعويدات لكلمار و نقدموهاكلة شهية