*صوص بالمطيشة والطون غنديرو بصيلة صغيرة تتقلى في شوية الزيت تم فص ثوم محكوك و نضيفو 4 مطيشات مطحونين وملعقة ك ديال مطيشة الحك و2وريقات ديال الحبق وشوية ملح وشوية إبزار نخلوهم يتشحرو مزيان ونضيفو الطون
*مربعات بطاطا مقلية
*مربعات دنجال مقلية
*مربعات فلفلة مقلية
*فرماج محكوك بزايد شوية
*مقرونية مسلوقة

كناخدو المقرونية كنخلطوها مع الصوص لي وجدنا ونصف الفرماج ونصبو نصفها في مول ديال الفرن ونضيفو الخضر ديالنا ونعملو فوقها المقرونية والفرماج لي باقي وندخلوه الفرن حتى يتحمر الفرماج وبالصحة والراحة.