ميني بطبوط معمر بالشورما
زلافة من دقيق النخالة
2 زلايف من دقيق الفورص
ملح
خميرة
م .ص سنيدة
2 م .ك زيت
نخلطو جميع مكونات العجين وتدلك مزيان ونخليوها ترتاح حتى يتضاعف حجمها
نخلطو جميع مكونات العجين وتدلك مزيان ونخليوها ترتاح حتى يتضاعف حجمها
نعملو من العجين كويرات صغار ونخليوهم يرتاحو شوية
ثم نكرصوهم ونخليوهم يخمرو
ثم نطيبوهم في مقلاة التفال
هنا من بعد ما طابو تجيو منفوخين وخاوين من داخل
الشاورما
نحتاج دانون طبيعي + ملح + ابزار + قعقلة + كوزة +ورقة سيدنا موسى + قزبر مطحون + م .ك مطيشة الحك + م .ص خل + م.ص عصير الحامض
نخلطو كلشي ونخليوها يرتاح بينما نوجدو اللحم
نحتاج هبرة اللحم أو بيبي أو دجاج + شوية الشحمة محكوك + ورقة سيدنا موسى + زيت العود + ملح + ابزار
نقليو الكل مزيان تكون العافية متوسطة باش ايطيب اللحم
ثم نضيفو عليه الخليط لوجدنا من قبل ونخليوه يتقلى شوية
الاضافات
الخس + مايونيز مخلط بالحار + خيار مخلل + بصلة مقطعة رقيق
نعمرو البطبوط ونعملوه يسخن قبل التقديم في الة البنيني او في مقلة
وهذا الشكل النهائي لميني بطبوط معمر بالشورما
حول خدماتنا