-2 كيسان حمص مرطب
– 1/2 كأس عدس ، من الأحسن نديروه يغلى شوية باش ميطلقش لينا الكحولة فالحريرة
-طريفات ديال اللحم مقطعين
-بصلة صغيرة +مطيشة محكوكين بالحكاكة
-القزبر والمعدنوس وشوية ديال الكرافس مقطعين
-الملح + الابزار + شوية ديال سكنجبير + شوية الزعفران + التحميرة + سر البنة لآلة القرفة
-الدقيق
-مركز الطماطم
-الشعرية

كنديرو فالكوكوط كل المقادير ما عدا الشعرية والدقيق ومركز الطماطم

ومن بعد كنزيدو الماء الكافي

تنسدو على الكوكوط ومن بعد ما تصفر ننقص للبوطة ونخليها 45د حتا يطيب الحمص واللحم بعد 45د كنفتحو الطنجرة ونتاكدو من اللحم واش طاب ثم كنزيدو مركز الطماطم مع التحريك ثم نضيف الدقيق والماء من بعد ما خلطناهم حتى اصبح سائل

كنضيفو الخليط مع التحريك دون توقف لمدة دقائق ثم نضيف الشعرية الى الحريرة (الشعرية ضروري تكون هي التالية لانه اذا سبقناها على الدقيق كتعجن لينا )

ونزيدو شوية دالقزبر والمعدنوس اذا بغينا ونخليها على نار مهيلة حتى نحسو بالشعرية طابت ونحرك وها مرة مرة باش ماتلصقش لينا

وهاهي وجدات وبالصحة والراحة