كنحتاجو 2 كيسان روز مصلوق +3 معالق كبار درة + 2 تفاحات +كاس تمر مقطع طراف + المشماش اليابس مقطع حتى هو طراف صغار أما مكانش عندي مدرتوش +عصير نصف حامة كنضيفو عليه معلقة كبيرة سنيدة +زبيب+الفواكه الجافة لموجود عندك اللوز الكركاع اكاجو البيستاج +المايونيز + بنانة لتزين وتقدري تزينيها بلي بغيتي

كناخدو الفواكه الجافة نقطعوها طراف صغار ونزيدوها على الروز وزبيب نرقدوه شوية في الماء ونضيفه وناخدو التفاح لقطعناه كنخلطوه مع عصير الحامض لحليناه من قبل بعاشقة سنيدة نخلطوهم حتى يشرب التفاح العصير ومن بعد نصفيوه ونزيدوه على المقادير لعندنا

تم نخلطو كلشي

عاد نضيفو المايونيز كل وحدة تستعمل لكتبغي أنا درت ديال البيض والخل والملح والزيت مدريش فيها لبزار حيت هاشي حلو

منكبوش كلشي كنخليو لغدي يكفينا باش ندهنوها من الفوق نخلط كلشي مزيان وتزوقيها بلي يعجبك ممكن دري لوز إفلي ومحمر من لفوق وهاهي واجدة بالصحة والراحة