مقادير الروز

روز مسلوق
خضر مقطعة صغيرة و مسلوقة
علبة صغيرة طون
ملح و ابزار
الخضر
بيض مسلوق
خس
باربا مسلوقة
بطاطا مسلوقة
خيزو مسلوق
مطيشة مقطعة مع الخيار
قوق معلب
لوبية حمراء معلبة

نخلطو الروز مع الخضر أنا استعملت خضر معلبة و الطون و الملح و ابزار و المايونيز
ناخذو مول الكيك نغلفوه ببلاستيك ونعملو فيه الروز و نخليوه حتى نوجدو باقي الخضر

نقسمو كل بيضة على 2 و نزولو ليها الأصفر و نخلطوها مع المايونيز

نوضعو أصفر البيض في جيب حلواني و نعمرو به البيض على شكل وردة

و نزينوهم من الفوق بنجيمات ديال الكاشير

نحضرو كل الخضر ونتبلوها بملح و ابزار و زيت و خل

نقلبو الروز وسط الصحن و نعملو في الجوانب أوراق الخس

و نستفو الخضر بالتناوب

نزينت فوق الروز بأشكال من الكاشير و البيض لي عمرنا و حبات من الزيتون

وهادي نعملوها بنفسالمراحل مع بعض التغيير في التزيين