البصلة+الثوم+الزيت البلدية والرومية+الفلفلات ملونين+خيزو +الذرة معلبة+القرعة الخضراء+ماطيشة الحك+المعدنوس+الملح+ابزار+سكنجبير+شوية التحميرة+شوية الكامون+ملعقة صلصة الصوجا+الطون+زيتون أخضر+زعتر+ المقرونية

هاد الوصفة كتجي هائلة وبنينة وكتعجب حتى الوليدات الصغارخصوصا فيها الخضرة وبزاف د الوليدات مكيبغيوش يكلوها لينا فالمرقة ومقدمة من نسوة
كنشحرو البصلة شنايف والتومة محكوكة فالزيت البلدية والرومية

ونزيدو الفلفلة ملونة مقطعة رقيقة بشكل طولي

ونشحرو ونزيدو خيزو مقطع رقيق ودرة معلبة

ونشحرو ونزيدو الكرعة الخضراء حتى هي مقطعة ونضيفو شوية د الماء باش تنزل الخضرة ونشحرو ونضيفو مطيشة د الحك مطلوقة فالماء والمعدنوس وملح+ابزار+سكنجبير+شوية تحميرة +شوية الكامون +معلقة د صلصة الصوجا ونخليو الكل يطيب

فالاخير نضيفو الطون د الزيت +زيتون اخضر مقطع+زعتر محكوك باليد

ونخليو لاصوص تنشف
ونرجعو نصلقو المقرونية فالماء مملح وزيت البلدية

منين طيب المقرونية كنزينوها بالفرماج محكوك