3 كلج لحم غنمي او بقري
بصلة كبيرة
قليل ربيع معدنوس اكثر من القزبور
6 فصوص ثوم
كاس ص ماء

توابل لحم الاعراس

ملح +ابزار+ سكين جبير +خرقوم بلدي +زعفران حر +خرقوم بلدي+سمن م ص+ 2عواد قرفة+ ضامة الزعفران اختياري+م ص مروزية اللحم لتوفرات او** غير بسيبيسة وقعقلة القليل منها **+كاس ص زيت المائدة
-البرقوق +رقائق اللوز محمرين

ناخدوالبصلة ونقسموها على 2 نصف كبير والاخر صغير
ناخد نصف البصلة الصغير +الربيع منكتروش +الثوم+الماء الكاس ونطحنو كلشي في الميكسور

ونصبو الخليط في طنجرة ونضيفو التوابل والزيت ونشرملو اللحم مزيان

ونعملوه يتشحرقليلا ونضيفو نصف البصلة الكبير مقطع رقيقة ونخليو الكل يتشحر حتى دوب البصلة ونمرقو ونخليوه يطيب على نار مهيلة منين تبدى تغلي

ومنين يطيب 3/4 طياب تنضيفلو قطعة صغيرة من السكر ما يعادل م ص لمسة الشيف هههه ونخليوه حتى يوقف ونقدموه حسب الرغبة

برقوق لحم الاعراس المغربية

نغسلو البرقوق ونوضعوه في كوكوط او طنجرة عادية +الماء +قبصة ملح+عود قرفة + قبصة سكين اجبيبر
ويتكر حتى يطيب ويتعسل بالسكر +قرفة مطحونة+م ك مربى مشمش او برتقال +م ك ماء الزهر + م ك زبدة+م ك عسل حر اختياري

واكلة شهية