نصف كيلو كفتة
كاس كبير برغل أسمر
بصلة
ربيع
شوية شحمة الكلوة
ملح إبزار كامون قزبر حبوب

الطريقة كبة مشوية مرفقة بخضر مشوية

نوضعو البرغل في إناء ونخويو عليه الماء وشوية الملح ونخليوه حتى إتنفخ
من بعد نعصروه بين إدينا من الماء ونخلطو معاه نصف كمية الكفتة وبصلة محكوكة شوية الإبزار كامون قزبر مطحون ونطحنو الكل في الماكينة

الحشوة كبة مشوية مرفقة بخضر مشوية
نوضعو 3 بصلات مقطعين في المقلة نخليوهم إتشحرو نزيدو نصف كمية الكفتة لي بقات وشوية الشحمة مقطعة ربيع ملح إبزار كامون قزبر مطحون ونخليو الحشوة تبرد

من بعد نقسمو عجينة الكبة لكويرات ونكرصو الكورة نوضعو فيها كمية من الحشوة ونكرصو كورة أخرى ونغطيوها بيها ونسدوها مني نكملو الكويرات كاملين نشويوها

بالنسبة للخضر

بطاطا كرعة مطيشة بصلة فلفلة نقطعو خضر نشرملوهم في الربيع ملح إبزار تحميرة كامون شوية زيت بلدية نديروهم في أعواد الشواء ونشويوهم
بطاطا درتها بحدها