1 دجاجة ( مقطعة إلى 4 قطع و محيدلها الجلدة و الشحمة و مغسولة بالملحة و الحامض و مقطرة )
1 حبة بصل مشنفة
3 حبات بصل مقطعة دوائر
2 حبات طماطم مقطعة دوائر
2 فصوص كبار ثوم محكوكة
قصبر و معدنوس مقطعين
قليل من لب حامض مصير
قليل من السمن
زيت العود
بدرة الثوم المجفف
بدرة البصل المجفف
إبزار
خرقوم
سكنجبير
قصبر حبوب
ملح
زعفران شعرة

نشرمل الدجاج بالعطرية و الربيع و المسير و الثومة و الملح و السمن و نتركه لمدة 1h أو أكثر يشرب

من بعد نضيف بصل مشنف و زيت و نغطيه و نترك الكل يتقلى على نار مهيلة

نفرغ الطاجين من الدجاج و مرق لي طلق و نفرشه بدوائر البصل

ثم نضع فوقه قطع الدجاج

ثم نضع فوقهم دوائر البصل مرة أخرى

ثم نصب مرق من فوق البصل

ثم نصف دوائر الطماطم من فوق و نرشها بالملح و المعدنوس

ثم نغطي الطاجين بورق السلفيريزي ثم نضع فوقه و رق الأليمنيوم ثم نغطي الطاجين و نضعه على نار مهيلة حتى يطيب و يتقلة بدون منضيف حتى قطرة ماء حيت الطماطم و البصل تطلق ماء ديالها و هو لي كيطيب فيه الدجاج

ثم يزين بالزيتون و يقدم بالصحة و العافية