نص كيلو كروفيت +كلمار
ورقة موسى
لحوت لبيض
تلاتة بصلات متوسطة
حامضة مصيرة
2كنور الحوت
شوي زيت بلدي و رومية
ربطة قزبورونص معدنوس
عصير حامضة ونص+4فصوص توم+تحميرة كتيرا+كمون+بزار+شوية سكنجبير

اولا:كنصلقو نص كيلو كروفيت +كلمار فالماء مع ورقة موسى تم لحوت لبيض بوحدو يتصلق مع ورقة موسى
تانيا: كنحكو تلاتة بصلات متوسطة ف لحكاكة لغليضة ونعصروه من لما ديالو او نقطعو حامضة مصيرة كلها و نزيدو 2كنور الحوت+ورقة سيدنا موسى وكلشي نديرو ف مقلا مع شوي زيت بلدي و رومية و نخليوها حتى تدبال البصلا
تالتا:كنقطعو ربطة قزبورونص معدنوس + كنديرو عصير حامضة ونص+4فصوص توم+تحميرة كتيرا+كمون+بزار+شوية سكنجبير+2كنور حوت+ورقة سيدنا موسى كنشحرو هاد لعناصر كولها مع شوي زيت رومية واحد دقيقة فقط
كناخدوا الكلمار ولكروفيت كنضيفوها لبصلا لى فايت صايبنا تم كنزيدو عليه هاد تشرميلا و نخلطو مزيان عاد نطيفو الشعرية الصينية و الحوت البيض الاخير تم الحرور تم نخلطوا ونعمروا لبريوات ديالنا و هادي هيا طريقة لي كاندير بها حتا البسطيلا المهم راه كتجي هاد لحشوة بنينة

ندهنو ورقة البسطيلة ونديرو الحشوة

ونشكلو البريوات

ونديرو شوية الفرماح من الفوق ونخلو البريوات بالحوت يطيبو

هاهما لبريوات بالحوت واجدين