مقادير رغايف مايزينا معسلين لرمضان 300غ طحين ملح فاني نصف فاني زهر خمارة بيضة نصف كاس ماء الزهر ممكن اقل او اكثر 80غ زبدة دائبة مايزينا للتوراق

طريقة تحضير رغايف مايزينا معسلين لرمضان في اناء نحطو الدقيق والفاني بجوج والخمارة والملح
نخلطو ونضيفو البيضة والزبدة تم ماء الزهر
ندلكوها شوية ونخليوها ترتاح 5 دقائق
ثم نقسموها ل 6 كويرات ونخليوهم يرتاحو نصف ساعة
باش العجينة ترتاح وتولي طوعية
الشكل الاول
بمدلك نسرحو جو ج كويرات
ونرشو مايزينا من جوج جهات
من بعد نحطو ورقة وسط ورقة ونلفوهم بجوج نقطعو معينات كما في الصورة
نضغطو عليهم شوية بالأصبع ثم بالمدلك
باش نحصلو على الشكل المطلوب والسمك رقيق
ثم نقليوهم في زيت ساخنة
الشكل الثاني نسرحو العجينة ونقطعوها بالقطاعة المسننة مربعات
نجمعوهم على شكل فراشة مع الضغط في الوسط مزيان
باش ميتحلوش اثناء القلي نقليو الرغيفات ونغطسوهم فالعسل

ملاحظة فاش نحطوهم في العسل دغيا نخرجوهم
باش ميشربوش بزاف العسل
من بعد نزينوهم بالزنجلان أو اللوز مهرمش
وهاهما رغايف مايزينا معسلين لرمضان واجدين