مقادير العجين:
2 زلايف دقيق 3 م ك زبدة بحرارة المطبخ شوية ملح وم ك سكر وخمارة وحليب دافي باش نجمعو العجين…كانعجنوه مزيآان ونكوروه كويرات صغار انا خرجت لي 10 حبات…كاتخليهم يرتاحو وتمشي توجدي الحشوة حسب ا?ختيار…

انا درت في الحشوة:
بصلة مشحرة مع 2 قرعة محكوكة 1 فلفلة مقطعة طريفات صغار شوية ملح إبزار شوية زيت بلدية ملي تشحر الخضر زيدي الكفتة ووفرتيها مزيان ملي طيب زيدي شوية صوص صوجا 3 م ك وشوية زيتون أخظر مقطع وهاهي الحشوة وجدات.

كاتسرحي لكويرات مزيآان تايكون العجين رقيييق ونزلو آلحشوة ديالنا أنا دهنت شوية صوص طوماط ديال بيتزا وعاد زدت الحشوة ودرت شوية جبن متزاريلا محكوك وشديتو ودهنتو بالبيض وزيت بالسانوج والشبت ودخلتو للفرن يطيب وحمرتو من فوق وبالصحة والراحة .